السلام عليكم

سؤالى كيفية تنزيل مواد الفصل الاول وهل الدراسة صعبة او سهلة بالمعهد

مرحبا خوي فارس باالنسبه لدراسه في المعهد إكويسه يعني مش صعبه ولاسهله يعني وسط وأحسن شي إنك تقرأ المحاضرات أول الأول لان المنهج بسيط وبعض المواد تحتاج للحفظ أكثر من الفهم وماتخافش إنت إتوكل علي ربي وان شاء الله ربي إيوفقك

أما بالنسبه لتنزيل المواد الفصل الأول كيف مانذكر إنك تحضر ملتقي الطلبه الجدد ويعطوكم ورقه بعدها الورقه هذي تمشو تعطوها للمكتب 050طبعا من الشباك وبعدها يختمهالك وبعدين تمشي لشباك ثاني وتعطيهم الورقه وتدفع إفلوس تقريبا 15 دينار باش يعطوك الواصل ويعطوك كتااب الفكر الجماهيري بعدها تأخد ورقه الملتقي والواصل وتمشي تركب فوق في مكتب في جيهة معامل الحاسوب تلقئ عميل تعطيه الواصل وبعدها يعطيك وارقه فيها المواد يلي هما طبعا امنزلينهملك هو هذا وربي ايوفقك وإن شاء الله يطلع زي ماقتلك لان هذا كيف مانذكر بالتوفيق واg:

بالنسبه للقرايه معقول و ساهله اما بالنسبه لتنزيل المواد السمستر الي فات بعد ما حضرنا الملتقي وعطونا الورقه متع الملتقي حضرنا المحاضرات عادي بعدين نزلنا المواد
بالتوفيق انشاء الله  

ما شاء الله ما قصرتوش بكل
إن شاء الله المعلومة وصلت يا خوي
مشكورين أخواتناعلى التوضيح

انى يخوى السيسمتر الى فات قرينا مدة اسبوعين ممكن بعدها خدينا ثلاثة ايام ملتقى وبعدها يعطو ورقة من الملقتى وهيا الى تنزل بيها موادك

والقراية فى المعهد ساهلة هلبة غير شد من البداية بس نصيحتى ليك اقرا اول باول وموفق يارب

مشكورات ومنورات على التوضيحات وسؤالى الجديد هو كيف تعامل اساتذة المعهد مع الطلبة وماهى نسبة النجاح فى السيمستر اللى فات واللى عندة منهج ادارة يكلمنى عالخاص

(خوي احضرمحاضراتك وماتفوتهمش اقرا أول بأول قبل الامتحانات ومتفكرش في الأساتدة لأن الي يمشي صح مايوصله شئ خلي تقتك في نفسك عاليه ديرجهدك واقرا حتتوفق بأدن الله) وبصدق اني ممتن لحماستك ونتمنالك التوفيق